Angliya Premyer-ligasining 13-turida joyiy mavsumdagi asosiy chempionlik da’vogari bo‘lgan "Manchester Siti" klubi o‘z uyida "Lids" futbolchilarini qabul qiladi. Xosep Gvardiola shogirdlari "Nyukasl" va Chempionlar ligasida "Bayer"dan uchragan alamli mag‘lubiyatlardan keyin muxlislar oldida o‘zini oqlash maqsadida faqat g‘alaba uchun maydonga tushadi. Ayniqsa, tarkibda o‘nlab o‘zgarishlar qilgan bosh murabbiyning tanqid ostida qolishiga sabab bo‘lgan "Bayer"ga qarshi mag‘lubiyat jamoaga qattiq ta’sir qildi.
Javobgarlikni zimmasiga olgan Gvardiola barcha shogirdlariga ishonishini bildirdi. "Manchester Siti" faoliyatini yorituvchi cityxtra.co.uk manbasi bo‘lajak o‘yin uchun taxminiy tarkibni e’lon qildi. Unga ko‘ra, darvozaga italiyalik gigant Janluiji Donnarumma qaytadi.
Himoyada Abduqodir Husanovga ishonch
Eng muhim yangiliklardan biri, o‘zbek legioneri Abduqodir Husanov jarohatdan to‘liq tuzaldi va Mateus Nunes bilan o‘ng qanot himoyasida kurashishga tayyor. Manba bu safar ishonch Husanovga bildirilishiga umid qilmoqda. Markaziy himoyada Ruben Dias Yoshko Gvardiol bilan birga yetakchilik bilan ajralib turdi va bu duet eng ishonchli markaziy himoyachilar juftligi maqomini saqlab qolishi kutilmoqda. Chap qanotda Niko O'Reyli esa himoyani mustahkam ushlab turibdi.
Klub sardori Bernardo Silva va muxlislarning sevimlisisi Fil Foden yarim himoya markazini boshqarishi aniq.
Xoland rekord ortidan, Doku — dahshat
Hujum chizig‘ida yozda "Lion"dan kelgan Rayan Sherki Fil Foden bilan ajoyib hamkorlikni yo‘lga qo‘ymoqda. Markaziy hujumchi Erling Xoland esa Premyer-ligadagi 100-goli ni urib, tarixga kirishga intilmoqda. Qanotda Jeremi Doku o‘ziga ishongan vaqtda to‘xtatish deyarli imkonsiz bo‘lib, asosiy tarkibda bo‘lishi kerak.
Taxminiy tarkib: Donnarumma; Husanov, Dias, Gvardiol, O'Reyli; Niko, Bernardo, Foden; Cherki, Xaaland, Doku.
Uchrashuv 29 noyabr kuni Toshkent vaqti bilan 20:00 da boshlanadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
