Argentinalik "River Pleyt" klubi muxlislarini xafa qiladigan natijalarga erishmoqda. DiarioOle nashriga ko‘ra, ushbu jamoa 1926-yildan beri ilk bor ketma-ket 4 ta uy uchrashuvida mag‘lubiyatga uchradi.
Bundan tashqari, "River Pleyt" so‘nggi 10 ta uchrashuvda 8 ta mag‘lubiyat qayd etgan. Hozirda jamoa mamlakat chempionatining (Klausura bosqichi) guruhlaridan birida 14-turdan so‘ng 6-o‘rinda bormoqda.
Sentyabr oyida Marselo Galyardo boshqaruvidagi jamoa Libertadores Kubogi chorak finalida musobaqadan chetlatilgan edi. Oktyabr oyida esa Argentina Kubogining finaliga chiqish imkonini "Independyente Rivadavya" jamoasiga boy berishdi.
Mutaxassislarning fikricha, jamoa tarkibidagi ayrim futbolchilar yoshi kattalashmoqda. Shuningdek, jarohatlar va transferlarda amalga oshirilgan xatolar jamoaning natijalariga salbiy ta’sir ko‘rsatmoqda.
Bosh murabbiy esa akademiya tarbiyalanuvchilariga yetarlicha ishonch bildirmay, tarkib va taktika bilan doimiy tajriba o‘tkazmoqda.
Mehmon guruhidagi foydalanuvchilar ushbu nashrga izoh qoldira olmaydi.
