date

Superligada tarixiy tun: Fayzullayev va Shomurodov bir o‘yinda gol urdi! (video)

Superligada tarixiy tun: Fayzullayev va Shomurodov bir o‘yinda gol urdi! (video)

Ikki o‘zbek legioneridan hal qiluvchi hissa

Turkiya Superligasining 14-turidan o‘rin olgan navbatdagi uchrashuv yakunlandi. Nuri Shaxin boshchiligidagi "Istanbul Bashakshehir" klubi "Kasimpasha" mehmoni bo‘lib, safarda 3:1 hisobida muvaffaqiyat qozondi. Ushbu g‘alabada o‘zbekistonlik ikki legionerimiz — Eldor Shomurodov va Abbosbek Fayzullayev hal qiluvchi rol o‘ynadi.

O‘yinning 26-daqiqasida Abbosbek Fayzullayev ajoyib jarima to‘pidan chiroyli gol kiritib, uchrashuv hisobini ochdi (1:0). Birinchi bo‘limga qo‘shib berilgan vaqtda (45+4) Amin Arit ikkinchi golni urib, tanaffusgacha jamoasining farqni ikkita to‘pgacha oshirdi.

Ikkinchi bo‘limda o‘yin keskinlashdi. Avvaliga 75-daqiqada (taxminan) Devi Zelke qizil kartochka olib, "Bashakshehir"ni bir kishi kam qoldirdi. Bundan ruhlangan "Kasimpasha" 79-daqiqada Adam Arus orqali hisobni qisqartirdi (2:1). Lekin qo‘shib berilgan vaqtda (90+3) Eldor Shomurodov raqib darvozasini ishg‘ol etib, jamoasining yakuniy, uchinchi golga mualliflik qildi va g‘alabani mustahkamladi. Bu gol Shomurodovning Turkiyadagi mavsumdagi eng yaxshi o‘yinlaridan biriga chiroyli nuqta qo‘ydi.

Muhim g‘alaba va jamoa tarkibi

Ushbu muhim g‘alaba evaziga "Bashakshehir" ochkolari sonini 16 taga yetkazib, turnir jadvalining 9-pog‘onasiga ko‘tarilib oldi.

Turkiya Superligasi.

14-tur

Qosimposho – Bashakshehir 1:3

Gollar: Arous 79 – Abbosbek Fayzullayev 26, Harit 45+4, Eldor Shomurodov 90+3

"Bashakshehir" tarkibi: Shengezer, Bulut, Duarte, Opoku, Operi, Fayzullayev (Gureler, 78), Kemen (Krespo, 78), Harit (Da Kosta, 72), Zelke, Shomurodov.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Yangiliklar » Sport » Superligada tarixiy tun: Fayzullayev va Shomurodov bir o‘yinda gol urdi! (video)