Lion 10 kishi qolgan Nantni yirik hisobda yendi

Fransiya chempionatining 14-tur dasturiga yakun erta tongda "Lion" va "Nant" jamoalari oʻrtasidagi bahs bilan yakun yasandi. Mehmonlar oʻyinning dastlabki qismida oʻzlarini munosib koʻrsatishgan boʻlsa-da, 43-daqiqada hisob 0:0 boʻlib turganida Mvanganing qizil kartochka olishidan keyin ular qiyinchilikka duch kelishdi.

Ikkinchi boʻlimda "Lion" raqibini ustunlikda bosim ostida qoldirdi. "Toʻquvchilar" uchta gol urib, oʻyinni oʻz foydasiga hal qilishdi.

Avvaliga Abner hisobni ochdi, keyin esa Satriano dubli bilan yakuniy natijani oʻrnatdi. Yakunda hisob 3:0 boʻlib, "Lion" gʻalabani nishonladi.

Shuni taʼkidlash joizki, "Lion" oldingi toʻrt oʻyinda gʻalaba qozona olmagan edi. Ushbu muvaffaqiyat ularga turnir jadvalida oltinchi oʻringa koʻtarilish imkonini berdi.

"Nant" esa 16-oʻrinda qoldi va ularning Liga 1dagi gʻalabasiz seriyasi beshta oʻyinga yetdi. “Zamin”ni Telegramʻda oʻqing!