'Bolonya' va 'Kremoneze' Italiya chempionatining 14-turida qarama-qarshi keldi. 'Bolonya' gʻalaba qozonib, A Seriya yetakchisi bilan oradagi farqni bir ochkoga tushirishni rejalashtirgan edi.
Ammo, oʻyin natijasi butunlay boshqacha boʻldi. Birinchi bo‘limda 'Bolonya' ustunlik qilayotgan koʻrinsa-da, himoyadagi ikki qoʻpol xato ularning hujumdagi harakatlarini bekor qildi.
'Kremoneze'dan Payero va Vardi toʻrt daqiqa ichida darvozabon bilan yakkama-yakka holatga chiqib, gol urishdi. Boʻlim yakunida mezbonlar bir gol farqni qisqartira olishdi – Orsolini qoʻl bilan oʻynalgan toʻp tufayli belgilangan penaltini aniq amalga oshirdi.
Ammo, ikkinchi boʻlim boshida 'Kremoneze' yana gol urib, hisobni 1:3 koʻrinishiga keltirdi. Vardi oʻzining 38 yoshida ham yuqori saviyali hujumchi ekanligini koʻrsatib, oʻz vaqtida toʻpni darvozaga yoʻnaltirdi.
Shundan soʻng, oʻyin tashabbusi asosan 'Bolonya' tomonida boʻldi, ammo 'Kremoneze' oʻz hisobini saqlashga muvaffaq boʻldi. Yakunda oʻyin 1:3 hisobida yakunlandi.
'Bolonya' 9 oʻyindan iborat magʻlubiyatsiz seriyasini yoʻqotdi va turnir jadvalida 6-oʻrinda qoldi. 'Kremoneze' esa 11-pogʻonaga koʻtarildi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
