Real Madridning bosh murabbiyi oʻzgarishi borasidagi mish-mishlar davom etmoqda. Defensa Centralning xabariga koʻra, Madrid klubi rahbariyati hozircha Xabi Alonsoni toʻliq qoʻllab-quvvatlamoqda va uning ketma-ket uchta durang natijasidan soʻng vaziyatni yaxshilashiga ishonmoqda.
Ammo natijalar salbiy boʻlsa, "qirollik klubi" murabbiy oʻzgartirishga majbur boʻlishi mumkin. Manbaning maʼlumotiga koʻra, agar murabbiy oʻzgarsa, Real Madrid rahbariyati "Komо" klubining yosh murabbiyi Sesk Fabregasga murojaat qilishi ehtimoldan xoli emas.
Fabregasning chiroyli futbolga eʼtibor qaratishi va faqat uzatmalar oʻyiniga qaram boʻlmasligi Madrid rahbariyatiga maʼqul. Shuningdek, Fabregas jamoani boshqarish uchun yetarlicha obroʻga ega.
Real Madrid prezidenti Florentino Peres Fabregas haqida yuqori fikrda. Manba yana qayd etadiki, vaqtincha jamoani boshqarish uchun Zinedin Zidan ham jalb etilishi mumkin.
Madridda Zidanning 2025/2026 yilgi mavsum oxiriga qadar "qirollik klubi"ni uchinchi marta boshqarishi mumkinligi haqida fikrlar mavjud. Shu bilan birga, Zidanning yozda Fransiya terma jamoasini boshqarishi kutilmoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
