PSJ darvozaboni, rossiyalik Matvey Safonov Rossiya Premer-ligasi (RPL) va Fransiya Liga 1 o'rtasidagi farqni ochiqladi. Futbolchining so'zlariga ko'ra, Parij klubidagi dastlabki olti oylik davrda u asosan to'pni darvoza to'ridan chiqarish bilan band bo'lgan.
Shunga qaramay, murabbiylar va jamoadoshlari uni qo'llab-quvvatlagan. "Tezlik va qarorlar qabul qilish bo'yicha moslashuv bo'ldi.
Raqib o'yinchilar darvozaga orqa o'girib tursa ham, men ularga yaqinlashaman, ular esa ortga o'girilib o'tirmasdan, bir tegishdayoq to'pni oshirishadi. Men esa: 'Bunday vaziyatda nima qilishim kerak?' deb o'ylayman.
Ular: 'Hammasini to'g'ri qilyapsan. Bu daraja shunday', deb aytishardi", - dedi Safonov Fyodor Smolovga bergan intervyusida.
2024/2025-yilgi mavsumda Safonov PSJ bilan deyarli barcha klub sovrinlarini, jumladan, Chempionlar ligasini ham qo'lga kiritdi. Joriy mavsumda u hali birorta o'yinda maydonga tushmagan, ammo "Renn"ga qarshi bo'ladigan uchrashuvda debyut qilish imkoniyatiga ega.
Parijliklarning asosiy darvozaboni Lyuka Shevalye jarohatdan tiklanishni davom ettirmoqda. Avvalroq OAVda PSJ Safonovni ijaraga yoki sotuvga qo'yishi mumkinligi haqida xabarlar tarqalgandi.
Shu bois futbolchi ham klubni tark etish variantlarini ko'rib chiqmoqda. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
