Moʻnxengladbaxning 'Borussiya' bosh murabbiyi Oygen Polanski 'Maynts'ga qarshi o'yin oldidan matbuot anjumanida ishtirok etdi. Bundesliga 13-turi doirasidagi uchrashuv 5-dekabr kuni Moskva vaqti bilan soat 22:30da boshlanadi.
'Ular yorugʻ projektor nurlarida kechadigan juma o'yinlariga ko'nikib ketishgan, shuning uchun biz bunga tayyor turishimiz kerak. Ularning o'yin uslubi haqida gapiradigan boʻlsak, ular maydonda qanday harakat qilishni aniq bilishadi, katta kuch va intensivlikni oʻyinga qoʻsha olishadi.
Ammo bu biz ularni yengolmaymiz, degani emas', – dedi Polanski klubning rasmiy saytiga bergan intervyusida. 'Maynts'ning bosh murabbiyini kutilmaganda almashtirganidan biroz hayron boʻldik.
Biroq bu vaziyat bizning rejamizga katta taʼsir koʻrsatmaydi. Benni Xoffman oʻxshash tizimni qoʻllamoqda va jamoaga oʻz gʻoyalarini yetkazib berish uchun atigi bir necha kun vaqti bor edi.
Shu boisdan, 'Maynts' o'yinida jiddiy oʻzgarishlar kutmayapmiz', – deya qoʻshimcha qildi Polanski. Hozirda 'Maynts' 6 ochko bilan oxirgi oʻrinni egallab turibdi, 'Borussiya' esa 13 ochko bilan 12-oʻrinda joylashgan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
