Juma kuni JCh-2026 guruh bosqichlariga qur'a tashlash marosimi bo'lib o'tdi. Tadbir chog'ida g'alati holat yuz berdi: Argentina terma jamoasi bosh murabbiyi Lionel Skaloni Jahon chempionati kubogiga tegishdan oldin qo'lqop kiyishga chaqirildi.
Tashkilotchilar ehtimol uni tanimagan bo'lishlari mumkin. Ma'lumki, Jahon chempionati kubogiga faqat uni qo'lga kiritgan shaxslar tegishi mumkin.
Skaloni esa 2022-yilda Argentina bilan chempionlikni qo'lga kiritgan edi. Keyingi kuni FIFA rasmiy tadbir tashkil qildi va unda Skaloni sahnaga taklif qilindi.
U bu safar qo'lqopsiz kubokni ushladi. FIFA prezidenti Janni Infantino ushbu vaziyatga izoh berib, shunday dedi: "Men FIFA nomidan uzr so'rayman.
Albatta, Jahon chempionlari kubokni ushlashga haqli. Chempion bo'lganingizdan keyin siz har kuni yoshroq ko'rinasiz." Skaloni esa vaziyatni hazil bilan qabul qilib, "O'ylaymanki, kecha meni kimdir boshqa odamga adashtirgan va kubokni ushlashga ruxsat bermagan," dedi.
Mehmon guruhidagi foydalanuvchilar ushbu nashrga izoh qoldira olmaydi.
