Pulisich: "Gʻalaba gollarimdan muhimroq"

"Milan" Italiyaning A Seriyasi 14-turi yakuniy uchrashuvida "Torino" ustidan irodali gʻalabaga erishdi. Avvaliga mehmonlar ikki marta gol oʻtkazib yuborishdi, ammo keyinchalik uchta javob golini kiritishdi.

Ulardan ikkitasi kichik jarohatdan soʻng maydonga qaytgan Kristian Pulisich hisobiga yozildi. Amerikalik futbolchi oʻyin natijalarini izohlar ekan, quyidagilarni taʼkidladi: "Biroz avval oʻzimni isitma tufayli yomon his qilgan edim, lekin bugun ancha yaxshi oʻynadim va jamoaga yordam bera oldim.

Biz uchun gʻalaba eng muhim narsa, gollar esa ikkinchi darajali." Keyingi turda "Milan" oʻz maydonida "Sassuolo"ni qabul qiladi. “Zamin”ni Telegramʻda oʻqing!