Chelsi va Bavariya Lukeba uchun kurashmoqda

RB Leyptsig markaziy himoyachisi Kastello Lukeba Chelsi klubi transfer maqsadiga aylangan. Chelsi chap oyoqli markaziy himoyachi izlamoqda va 22 yoshli fransuz futbolchisi asosiy variantlardan biri sifatida ko‘rilmoqda, deya xabar bermoqda TEAMtalk.

Bavariya esa uzoq vaqtdan beri Lukeba bilan qiziqish bildirmoqda va agar yozda Dayo Upamekano klubni tark etsa, muzokaralarni boshlashi mumkin. Kastello Lukebaning RB Leyptsig bilan shartnomasida 80 million yevro miqdorida tovon puli belgilangan bo‘lib, Transfermarkt futbolchini bundan ikki barobar arzon baholamoqda.

Joriy mavsumda iqtidorli himoyachi barcha turnirlarda 14 o‘yinda ishtirok etib, bir marta gol urdi va bir marta golli uzatma amalga oshirdi. “Zamin”ni Telegramʻda oʻqing!