Xabi Alonso Rodrigoning o‘yinini ijobiy baholadi

Madridning "Real" klubi bosh murabbiyi Xabi Alonso "Manchester Siti"ga qarshi o‘yinda (1:2) Rodrigo ko‘rsatgan o‘yin haqida fikr bildirdi. Braziliyalik futbolchi 28-daqiqada "Qirollik klubi"ni oldinga olib chiqqan bo‘lsa-da, g‘alaba mehmonlar tomonida qoldi.

"Rodrigoning o‘yini bugungi kechadagi eng ijobiy jihatlardan biri bo‘ldi, deb o‘ylayman. U nafaqat to‘p bilan, balki to‘psiz o‘yinlarda ham yaxshi harakat qildi.

Men Rodrigodan juda xursandman – bu gol uning uchun juda muhim edi. Bu vaqtdan boshlab u o‘z o‘yinini yanada yaxshilaydi.

Biz unga qo‘llab-quvvatlashni davom ettirishimiz kerak", – dedi Alonso matbuot anjumanida. 24 yoshli vinger "Real" safida mart oyidan beri ilk bor gol urdi.

Uning golsiz seriyasi 32 o‘yinga cho‘zilgan edi. “Zamin”ni Telegramʻda oʻqing!