Arshavin «Real»ning «Barselona»dan nimada ortda qolayotganini aytdi

Sankt-Peterburgning «Zenit»i va Londonning «Arsenal»i sobiq hujumchisi Andrey Arshavin Ispaniya La Ligasi joriy mavsumida Kataloniyaning «Barselona»si hamda Madridning «Real»i o‘rtasidagi raqobat haqida fikr bildirdi. «“Barsa” o‘tgan yilgi ko‘rinishini eslatyapti.

Jamoa o‘ziga ishongan holda o‘ynamoqda. Ular nimaning evaziga g‘alaba qozonmoqchi ekani aniq.

Shu jihatdan ular “Real”dan ustun, u yerda Alonso boshqaruv iplarini hali topa olmadi», — dedi ekspert «Match TV» telekanali efirida. Bugungi holatga ko‘ra, kataloniyalik grand 46 ochko bilan Ispaniya chempionati turnir jadvalida yakka peshqadam bo‘lib turibdi.

Xabi Alonso shogirdlari 42 ochko bilan ikkinchi o‘rinda bormoqda. “Zamin”ni Telegramʻda oʻqing!