Osiyo qit’asidagi xalqaro musobaqalarda ishtirok etayotgan o‘zbekistonlik klublar nafaqat tajriba, balki salmoqli moliyaviy foyda ham qo‘lga kiritmoqda. Jumladan, "Andijon" OFK Chempionlar ligasi 2 (OCHL2) musobaqasida ishtirok etish orqali 300 ming AQSH dollari miqdorida daromad oldi.
Osiyo Futbol Konfederatsiyasi qoidalariga ko‘ra, guruh bosqichida qatnashgan har bir jamoaga dastlab 300 ming dollar mukofot puli ajratiladi. Shuningdek, har bir qo‘lga kiritilgan g‘alaba uchun qo‘shimcha 30 ming dollar, keyingi bosqichga chiqqan jamoalarga esa yana 80 ming dollardan rag‘batlantiruvchi mukofot beriladi. Bu esa “Andijon” uchun musobaqada ishtirokni moliyaviy jihatdan ham foydali qildi.
Bundan tashqari, mamlakatimizning yana bir yetakchi jamoasi — "Nasaf" OFK Elit Chempionlar ligasida muvaffaqiyatsiz ishtirok etib, hozirgacha 800 ming AQSH dollari ishlab topishga ulgurdi.
Elit musobaqada OFK asosiy bosqichga chiqqan har bir klubga 800 ming dollar miqdorida bazaviy mukofot ajratadi. Qo‘shimcha ravishda, har bir g‘alaba uchun 100 ming dollar, keyingi bosqichga yo‘l olgan jamoalarga esa yana 200 ming dollardan to‘lab beriladi.
Qisqasi, “Andijon” va “Nasaf”ning Osiyo arenasidagi ishtiroki nafaqat sport natijalari, balki moliyaviy jihatdan ham o‘zbekiston futbolining nufuzi oshib borayotganini yaqqol ko‘rsatib turibdi.
Mehmon guruhidagi foydalanuvchilar ushbu nashrga izoh qoldira olmaydi.
