“Liverpul”ning sobiq hujumchisi Fernando Torres jamoaning hozirgi bosh murabbiyi Arne Slot faoliyati haqida fikr bildirdi. Bu haqda euro-football.ru xabar beradi.
Gollandiyalik mutaxassis Angliyadagi ilk mavsumidayoq “qizillar”ni Premyer-liga chempionligiga olib chiqqandi. Biroq joriy mavsumda natijalar u qadar barqaror emas: mersisaydliklar turnir jadvalida 4-o‘rinda bormoqda va peshqadam “Arsenal”dan 10 ochko ortda qolgan.
“Menimcha, Slot uchun “Liverpul”ga mos inson ekanini isbotlash vaqti keldi. O‘tgan mavsum ajoyib o‘tdi, u Premyer-ligani yutdi — bu istalgan murabbiy uchun juda qiyin vazifa. Slot birinchi mavsumdayoq muvaffaqiyatga erishdi, demak, g‘alaba uchun nima kerakligini biladi. Endi esa qiyinchiliklar boshlangan pallada u vaziyatni o‘zgartira olishini ko‘rsatishi kerak. Umid qilamanki, bunga erishadi”, — Torresning so‘zlarini Anything Liverpool keltirdi.
1-yanvar, payshanba kuni “Liverpul” o‘z maydonida “Lids”ni qabul qiladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
