Niderlandiya terma jamoasining sobiq yarim himoyachisi va Milan "Inter"i ekssardori Uesli Sneyder 2010 yildagi "Oltin to'p" topshirish marosimi atrofidagi bahslarni yodga oldi. Bu haqda euro-football.ru xabar beradi.
Sneyderning aytishicha, o'sha paytda u Lionel Messini dunyoning eng yaxshi futbolchisi deb bilgan va buni haqiqat, deya tan oladi. Biroq aynan 2010 yil natijalari va yutuqlarini solishtirganda, u o'sha mavsumni Messidan ko'ra kuchliroq o'tkazganini, sovrinlar hamda erishilgan muvaffaqiyatlar bo'yicha raqibidan ustun chiqqanini ta'kidladi. Uning fikricha, yillar o'tgan bo'lsa-da, bu mukofot yuzasidan tortishuvlar hanuz tinmagani, ko'plar sovrin aynan unga berilishi kerak bo'lganini aytib kelayotgani bejiz emas.
Ma'lumot uchun, "Oltin to'p"-2010 ovoz berishida Sneyder to'rtinchi o'rinni egallagan. Undan yuqoriroqda Lionel Messi, Andres Inyesta va Xavi joy olgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
