Taniqli sport sharhlovchisi Dmitriy Guberniyev Rossiya futbolida yil qahramoni deb kimni bilishini aytdi. Uning fikricha, bu unvon «PSJ» darvozasini qo'riqlayotgan Matvey Safonovga loyiq. Bu haqda euro-football.ru xabar beradi.
«Yil qahramoni — Matvey Safonov! Nega ekanini tushuntirib o'tirishning hojati yo'q», — deya Guberniyevning so'zlarini «Chempionat» keltirdi.
Yaqinda bo'lib o'tgan Qit'alararo kubok finalida Safonov o'yindan keyingi penaltilar seriyasida to'rtta zarbani qaytardi va «PSJ»ga «Flamengo» ustidan g'alaba qozonib, trofeyni qo'lga kiritishda katta hissa qo'shdi. O'tgan yil davomida esa Safonov «PSJ» bilan jami olti sovrinni yutdi, ular orasida Yevropa chempionlari kubogi ham bor.
«PSJ»ning navbatdagi uchrashuvi 4-yanvar kuni bo'lib o'tadi — jamoa Liga 1 doirasida «Parij»ga qarshi maydonga tushadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
