Seriya Aning 18-turida «Milan» safarda «Kalyari» bilan uchrashdi. O'yin davomida milanliklar raqibdan yaqqol ustunlik qila olmadi, bahs asosan teng kurashlar ostida o'tdi. Bu haqda euro-football.ru xabar beradi.
Uchrashuvdagi asosiy vaziyatlar taymlarning ilk daqiqalarida yuzaga keldi. Dastlab «Kalyari» hujumida Matteo Prati to'pni ilib olib darvozani nishonga oldi, biroq zarba ustun yonidan o'tib ketdi. Oradan ko'p o'tmay Marko Palestra jarima maydoniga yorib kirib uzoq burchakka tepdi, ammo to'p darvoza sohasiga bormadi.
Ikkinchi bo'limning 50-daqiqasida «Milan» gol urdi: Adrien Rabyo o'ng qanotdan jarima maydoniga kirib, pasni Rafaela Leaunga uzatdi. Portugaliyalik futbolchi sirg'alib ketganiga qaramay, yaqin burchakka kuchli zarba yo'lladi va darvozabon jamoasini qutqara olmadi — 0:1.
Keyingi epizodlarda Davide Bartezagi jarima zarbasidan to'pni uzoq burchakka burab yo'lladi, biroq darvozabon sakrab qaytardi. O'yin oxirlarida esa Kristian Pulishich Samuele Richchining uzatmasidan so'ng yaqin burchakni nishonga oldi — golkiper to'pni maydon tashqarisiga chiqarib yubordi.
Yakunda «Milan» minimal hisobda g'alaba qozonib, «Inter»ni ortda qoldirdi va turnir jadvalida peshqadamlikni egalladi. «Kalyari» esa 14-o'rinda qoldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
