«Manchester Siti» himoyachisi Natan Ake Niderlandiya terma jamoasi bosh murabbiyi Ronald Kuman bilan bo'lgan suhbat tafsilotlarini ma'lum qildi. Bu haqda euro-football.ru xabar beradi.
Akening so'zlariga ko'ra, Kuman bir necha bor undan ko'proq o'ynashni kutayotganini bildirgan va maydondagi vaqt kam bo'lsa, futbolchini terma jamoaga chaqirish murakkablashishini ta'kidlagan. Himoyachi esa har bir futbolchi imkon qadar ko'proq o'ynashni istashini aytib, o'zi esa doim kurashishda davom etishini qayd etdi.
Joriy mavsumda 30 yoshli futbolchi barcha musobaqalarni qo'shib hisoblaganda 13 ta uchrashuvda maydonga tushdi va hozircha samarali harakatlar bilan ajralib turmadi.
Eslatib o'tamiz, 2026 yilgi jahon chempionati kelasi yozda AQSh, Kanada va Meksikada bo'lib o'tadi.
“Zamin”ni Telegramʻda oʻqing!
