Rasmiy o'yinlarda ketma-ket to'qqiz bor yutqazib qo'ygan «Nitsa» yilni Fransiya kubogida «Sent-Etyen» ustidan g'alaba bilan yakunlagandi. Liga 1ning 17-turida esa jamoa «Strasburg»ga qarshi ham qiyin vaziyatdan chiqib, ochkoni boy bermaslikka harakat qildi. Bu haqda euro-football.ru xabar beradi.
Uchrashuvning 13-daqiqasida mehmonlar penalti orqali hisobni ochdi: Xoakin Panichelli 11 metrdan aniq zarba berdi, darvozabon esa yo'nalishni topa olmadi — 0:1. Keyingi epizodlarda «Nitsa» javob qaytarishga yaqin keldi: Jonatan Kloss hujumni zarbaga chiqarib berdi, Tiyagu Govea esa to'pni ustunga tekkizdi. Valentin Barkoning xatosidan so'ng Morgan Sanson darvozabon ustidan oshirib tepdi, biroq zarbasi nishonga bormadi.
Ikkinchi bo'limda mezbonlar baribir o'z so'zini aytdi: Melvin Barr uzatmasidan keyin Elye Vayi hisobni tenglashtirdi — 1:1. Oradan ko'p o'tmay Sanson va Vayi ketma-ket xavfli zarbalar yo'lladi, ammo «Strasburg» darvozaboni to'pni burchak zarbasiga chiqarib, jamoasini qutqarib qoldi.
Durangdan so'ng «Strasburg» turnir jadvalida 7-o'rinda qolgan bo'lsa, «Nitsa» 13-pog'onada bormoqda.
“Zamin”ni Telegramʻda oʻqing!
