Avvalroq "Milan" safida to‘p surgan Emerson Royal yana Italiya A Seriyasiga qaytishi ehtimoli bor. Mavsumning ikkinchi yarmida ligada qolish uchun kurashayotgan "Fiorentina" braziliyalik futbolchini o‘z safiga qo‘shib olish variantini ko‘rib chiqmoqda. Bu haqda euro-football.ru xabar beradi.
"Milan" Emerson Royalni 16 million yevroga transfer qilgan, biroq keyinroq uni deyarli ikki baravar arzon — 9 million yevro atrofidagi summa evaziga "Flamengo"ga sotishga majbur bo‘lgan. Transferlar bo‘yicha insayder Ekrem Konur xabariga ko‘ra, endi "Fiorentina" futbolchiga qiziqish bildirmoqda, ammo muzokaralarning aniq tafsilotlari hozircha ochiqlanmagan.
Manba yana bir ehtimoliy yo‘nalishni ham tilga oldi: ispaniyalik "Valensiya" ham sobiq "Tottenhem" futbolchisini o‘z tarkibiga taklif qilish masalasini muhokama qilayotgani aytilmoqda.
“Zamin”ni Telegramʻda oʻqing!
