Turinning «Yuventus» klubi A Seriyaning 18-turida o‘z maydonida «Lecce»ni yenga olmadi va muhim ikki ochkoni boy berdi. Uchrashuvdan keyin natijadan norozi bo‘lganlar qatorida jamoa himoyachisi Gleison Bremyer ham bor. Bu haqda euro-football.ru xabar beradi.
Bremyerning aytishicha, «Yuventus» ba’zan aynan shunday xavfsiz ko‘ringan vaziyatlarda ochko yo‘qotib qo‘yadi. U bunday o‘yinlarda tezroq gol urib, keyin uchrashuvni nazorat qilish zarurligini ta’kidladi. Himoyachi hisobni tenglashtirish uchun vaqt yetarli bo‘lganini, biroq g‘alabaga erishishning iloji bo‘lmaganini ham qo‘shimcha qildi.
«Lecce»ga hurmat bajo keltirgan holda, Bremyer «baribir biz “Yuventus”miz, ustiga-ustak o‘z uyimizda o‘ynayapmiz — bunday o‘yinlarda yutish kerak», degan fikrni ilgari surdi.
Keyingi turda «Yuventus» «Sassuolo»ga qarshi maydonga tushadi.
“Zamin”ni Telegramʻda oʻqing!
