Turinning «Yuventus» klubi A Seriyaning 18-turida «Lechche»ni o'z maydonida yenga olmadi — uchrashuv 1:1 hisobida yakunlandi. Bu natija «keksa sinyora» uchun 2012 yildan beri ilk bor uyda «Lechche»ga qarshi g'alabasiz o'yin bo'ldi. Bu haqda euro-football.ru xabar beradi.
Jamoa bosh murabbiyi Luchano Spalletti durangning asosiy sababini hujumdagi yakunlovchi bosqich bilan bog'ladi. Uning ta'kidlashicha, to'p raqib jarima maydoniga tez-tez yetkazilganiga qaramay, so'nggi metrlarda aniqlik va sifat yetishmadi hamda zarbani yoki hal qiluvchi uzatmani to'g'ri yakunlay oladigan futbolchi topilmadi. Shunga qaramay, Spalletti o'yinning ko'plab jihatlarida «Yuventus» kuchli ko'ringanini ham qayd etdi.
Eslatib o'tamiz, «Yuventus» Italiya chempionligini oxirgi bor 2020 yilda qo'lga kiritgan.
“Zamin”ni Telegramʻda oʻqing!
