Liga 1ning 17-turida yuqori o'rinlar uchun kurashayotgan «Marsel» o'z maydonida turnir jadvalining quyi qismidagi «Nant»ni qabul qildi. Uchrashuv mezbonlar uchun og'ir kechdi: «Olimpik» futbolchilari birin-ketin qizil kartochka olib, natijada raqib 0:2 hisobida g'alaba qozondi. Bu haqda euro-football.ru xabar beradi.
O'yin boshida mehmonlar burchak zarbasidan so'ng gol urib qo'ygandek bo'ldi, biroq VAR tekshiruvi ofsaydni ko'rsatib, gol bekor qilindi. Keyinroq Mattis Ablin jarima zarbasida to'pni ustunga tekkizdi. 26-daqiqada Artur Vermeren darvozabon bilan epizodda qo'pol o'ynagani uchun to'g'ridan-to'g'ri qizil kartochka oldi va «Marsel» 10 kishi bo'lib qoldi. Oradan besh daqiqa o'tib, Ablinning uzoq masofadan bergan zarbasidan keyin darvozabon qaytargan to'pni Fabien Sentonz yakunlab, hisobni ochdi — 0:1.
Ikkinchi bo'limning 56-daqiqasida Bilal Nadir ketma-ket ikki sariq kartochka olib, maydonni tark etdi va mezbonlar 9 kishi bilan qoldi. Uchrashuv yakuniga yaqin «Nant» penaltiga ega bo'ldi: Remi Kabella 88-daqiqada aniq tepib, farqni ikkitaga yetkazdi — 0:2.
Mag'lubiyatga qaramay, «Marsel» turnir jadvalida uchinchi o'rinni saqlab qoldi. «Nant» esa oxirgi pog'onadan uch ochko uzoqlikda bo'lib, hozircha o'tish o'yinlari hududida bormoqda.
“Zamin”ni Telegramʻda oʻqing!
