Germaniya terma jamoasining sobiq futbolchisi Bernd Shuster «Bavariya» yarim himoyachisi Lennart Karlning kelajakda Madridning «Real»iga o‘tishni istashi haqidagi bayonotiga munosabat bildirdi. Bu haqda euro-football.ru xabar beradi.
Shusterning fikricha, yosh futbolchining bunday ochiq-oshkoraligi hurmatga loyiq. U katta maqsadlarni ko‘zlash futbolchi kamolotining tabiiy qismi ekanini ta’kidladi.
«Buni ochiq aytgani juda yaxshi. Inson doim o‘z orzusi ortidan borishi kerak. Bu jahon futbolining eng yuqori cho‘qqisiga chiqishga intilayotganini ko‘rsatadi», — deya Shuster so‘zlarini keltiradi Bild.
Eslatib o‘tamiz, Karlning ushbu gaplaridan so‘ng u tanqidlar to‘lqiniga uchradi. Ayrim muxlislar ijtimoiy tarmoqlarda futbolchini Myunxen jamoasi tarkibidan chiqarib tashlashni ham talab qildi.
“Zamin”ni Telegramʻda oʻqing!
