«Manchester Siti» safiga yangi qo‘shilgan Antuan Semenyo klub bilan shartnoma imzolaganidan so‘ng dastlabki fikrlari bilan o‘rtoqlashdi. Bu haqda euro-football.ru xabar beradi.
Ganalik yarim himoyachi o‘z oldida hali katta marralar borligini ta’kidladi: «Men hali eng yuqori darajamga chiqmadim. Eng kuchli raqobat muhitida shu yo‘lni bosib o‘tishga tayyorman. Bu chaqiruvni intiqlik bilan kutyapman», — dedi futbolchi.
26 yoshli afrikalik futbolchi «shaharliklar» bilan uzoq muddatli bitim tuzdi — shartnoma 2031 yil o‘rtalarigacha mo‘ljallangan. Vingerning transferi «Manchester Siti»ga 72 million yevroga tushgani qayd etildi.
Joriy mavsum APLda Semenyo 20 ta o‘yinda maydonga tushib, 10 ta gol urdi va 3 ta golli uzatma berdi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
