Italiyalik mashhur murabbiy Fabio Kapello — avval Rossiya terma jamoasini ham boshqargan mutaxassis — faoliyatida "Milan"ni ham ishlatgan. U 1990-yillarning birinchi yarmida "rossonerilar" bilan ishlagan va jurnalistlar undan o‘sha davrdagi jamoani bugungi "Milan" bilan taqqoslab berishni so‘rashdi. Bu haqda euro-football.ru xabar beradi.
Kapelloning fikricha, o‘sha "Milan" hozirgisidan kuchliroq bo‘lgan. Murabbiy futbolning o‘zi ham o‘zgarganini ta’kidladi: o‘sha paytda beshta o‘yinchini almashtirishga ruxsat berilmagan. Natijada kuchsiz jamoalar "San-Siro"ga kelib, bir muddat yaxshi qarshilik ko‘rsatsa-da, oxir-oqibat charchab qolardi va uchrashuvning so‘nggi yarim soatida "Milan" ustunlikni butunlay o‘z tomoniga og‘dirib, raqibni "bosib" tashlardi. Kapelloga ko‘ra, bugungi kunda o‘yin dinamikasi boshqa va hozirgi "Milan"da bunday ssenariyni takrorlash imkoniyati kamroq.
Eslatib o‘tamiz, hozir "Milan"ni Massimiliano Allegri boshqarmoqda.
“Zamin”ni Telegramʻda oʻqing!
