Moskvaning «Spartak» klubi va Rossiya terma jamoasining sobiq futbolchisi Aleksandr Mostovoy Ispaniya Superkubogi finali arafasida «Real» va «Barselona» to‘qnashuvi haqida fikr bildirdi. Bu haqda euro-football.ru xabar beradi.
Mostovoyning ta’kidlashicha, ko‘pchilik «Barselona»ni favorit deb hisoblayapti, biroq u «Real» omilini alohida urg‘uladi. Ekspert ehtimollar nisbatini 55 ga 45 tarzida kataloniyaliklar foydasiga baholadi.
«Barselona» — «Real» uchrashuvi bugun, 11-yanvar kuni Saudiya Arabistonidagi stadionda bo‘lib o‘tadi. O‘yin 00:00 da (Toshkent vaqti bilan) boshlanadi.
Superkubok yarim finalida Hans Diter Flik boshqaruvidagi «Barselona» «Atletik» Bilbaoni ishonchli tarzda mag‘lub etgan bo‘lsa, «qaymoqranglilar» Madrid derbisida «Atletiko»dan ustun kelgandi.
“Zamin”ni Telegramʻda oʻqing!
