O‘tgan mavsum «Paxtakor»da faoliyat yuritgan hujumchi Bobir Abdixoliqov o‘z qarori va «Nasaf»ga qaytgani sabablarini muxlislar bilan bo‘lishdi.
O‘zbekiston terma jamoasiga nomzod 28 yoshli futbolchi shunday fikr bildirdi: «Nasafga nega qaytdim? Sababi — bu yer mening ikkinchi uyim. Arab klublaridan qiziqarli takliflar ham bo‘ldi, ammo men «Nasaf» sharafini himoya qilishni xohladim.
Yangi mavsumda o‘zimni yanada ko‘rsatib, Superligada yorqin va ta’sirli o‘yin ko‘rsatish niyatidaman. Nasib bo‘lsa, terma jamoa bilan Jahon chempionatida ishtirok etishni maqsad qilmoqdaman», – dedi Bobir.
Ma’lumot uchun, Abdixoliqov o‘tgan mavsumda 10 ta o‘yinda maydonga tushib, bitta gol kirita olgan edi. Hozir esa futbolchi o‘zini yanada mukammal ko‘rsatib, muxlislarga yangi va quvonarli lahzalar taqdim etishni rejalashtirmoqda.
«Nasaf»ga qaytish futbolchi uchun nafaqat shaxsiy, balki jamoaviy maqsadlarni ham ro‘yobga chiqarish imkonini yaratmoqda. Shu bilan birga, terma jamoa uchun ham undan foydalanish imkoniyatlari kengaydi.
“Zamin”ni Telegramʻda oʻqing!
