Professional boksning super yengil vazn (63,5 kg) toifasida harakat qilayotgan hamyurtimiz Ruslan Abdullayev navbatdagi jangini Amerika Qo‘shma Shtatlarida o‘tkazdi. Bu gal u AQSHning Kaliforniya shtatida Golden Boy promouterlik kompaniyasi tashkil etgan boks oqshomida ringga ko‘tarildi va muxlislarni yana bir bor xursand qildi.
Charm qo‘lqop ustamiz urugvaylik Eduardo Xaviyer Abreuga qarshi bahs olib bordi. Jang 8 raundga mo‘ljallangan bo‘lib, to‘qnashuvning eng hal qiluvchi lahzasi 5-raundda kuzatildi: Abdullayev raqibini aniq va kuchli zarba bilan qulatib, zaldagi muhitni bir zumda “portlatdi”.
Quvonarlisi, Abreu yerdan turishga ulgurdi, ammo u ketma-ket kelgan zarbalar oldida bardosh ko‘rsata olmadi. Ruslanning bosimi, tezligi va hujumdagi izchilligi raqibni yanada qiyin ahvolga soldi.
Natijada, Abdullayev professional boksdagi to‘rtinchi jangini ham g‘alaba bilan yakunlab, o‘zining g‘alabali seriyasini davom ettirdi. Kaliforniyadagi ushbu muvaffaqiyat hamyurtimizning halqaro arenadagi ishonchini yanada oshirishi, kattaroq raqiblar va nufuzli janglarga yo‘l ochishi mumkin.
“Zamin”ni Telegramʻda oʻqing!
