Zagrebning «Dinamo» jamoasida to‘p surayotgan markaziy himoyachi Leon Yakirovich tez orada «Inter» futbolchisiga aylanishi kutilmoqda. Bu haqda insayder jurnalist Fabritsio Romano ijtimoiy tarmoqlarda ma’lum qildi. Bu haqda euro-football.ru xabar beradi.
Manbaga ko‘ra, kelishuv allaqachon tomonlar o‘rtasida muvofiqlashtirilgan. «Neradzurri» 18 yoshli xorvat uchun 2,5 million yevro to‘laydi, yana 2 million yevro bonuslar ko‘rinishida qo‘shilishi mumkin. «Inter» ushbu transfer poygasida «RB Zaltsburg»ni ortda qoldirdi — bunda klubning futbolchi agenti bilan yaxshi aloqalari ham muhim rol o‘ynagani aytilmoqda.
Yakirovich joriy mavsumda «Dinamo»ning asosiy tarkibida hali maydonga tushmadi: u ko‘pincha zaxirada qolgan yoki qaydnomadan tashqarida bo‘lgan. Shunga qaramay, u Zagreb klubining yoshlar jamoasi safida mavsum davomida uchta uchrashuvda ishtirok etgan.
“Zamin”ni Telegramʻda oʻqing!
