APLning 22-turi yakuniy uchrashuvida «Brayton» o‘z maydonida «Bornmut»ni qabul qildi. Mezbonlar to‘p nazoratida sezilarli ustunlikka erishdi va darvozaga ko‘proq zarba berdi, biroq o‘yin taqdirini standart vaziyatlar hal qildi. Bu haqda euro-football.ru xabar beradi.
28-daqiqada «Bornmut» penalti tepish huquqini qo‘lga kiritdi va Markus Tavernye aniq zarbasi bilan hisobni ochdi — 0:1. «Brayton» darvozaboni zarbani qaytarishga yaqin bo‘ldi. Oradan ko‘p o‘tmay Evanilson farqni oshirishiga sal qoldi: uning zarbasi ustunga tegdi.
Uchrashuv yakuniga qo‘shib berilgan daqiqalarda Xarampos Kostulas «qaychi» uslubidagi chiroyli zarba bilan gol urib, «Brayton»ni mag‘lubiyatdan saqlab qoldi — 1:1.
Durangdan so‘ng «Brayton» turnir jadvalida 12-o‘rinda qoldi, «Bornmut» esa 14-o‘rinni raqiblari bilan bo‘lishib turibdi.
“Zamin”ni Telegramʻda oʻqing!
