Albaniyalik himoyachi Amir Rrahmani so'nggi yillarda «Napoli» mudofaasining asosiy tayanchlaridan biriga aylandi. Shu sabab klub rahbariyati futbolchi bilan amaldagi bitim muddatini uzaytirish bo'yicha ish olib bormoqda. Bu haqda euro-football.ru xabar beradi.
Hozirgi shartnoma 2027 yil yozigacha mo'ljallangan. Tuttomercatoweb xabariga ko'ra, yangi kelishuv uzoq muddatli bo'lmaydi: reja bo'yicha bitim bir yilga uzaytiriladi va 2029 yilgacha davom etishi mumkin bo'lgan opsiya ham qo'shiladi — o'sha paytda Rrahmani 35 yoshga to'ladi.
Manbada himoyachining kutilayotgan maoshi ham tilga olingan: u bir mavsum uchun 4 million yevro atrofida bo'lishi ko'zda tutilmoqda.
Eslatib o'tamiz, hozir «Napoli» A Seriya turnir jadvalida uchinchi o'rinda bormoqda.
“Zamin”ni Telegramʻda oʻqing!
