Yevropa Ligasining 7-turi doirasidagi dastlabki 9 ta uchrashuv o‘tkazildi va turning birinchi qismiyoq jadvaldagi vaziyatni ancha ravshanlashtirib qo‘ydi. Ayrim jamoalar to‘g‘ridan to‘g‘ri 1/8 finalga chiqish masalasini hal qilgan bo‘lsa, yana bir qanchalari nimchorakfinal yo‘llanmasi sari deyarli qadam tashlab qo‘ydi.
Markaziy bahslarda "Aston Villa" va "Lion" vazifani bajardi
Kechaning eng diqqatga tushgan to‘qnashuvlaridan biri Istanbulda bo‘lib o‘tdi. «Aston Villa» «Fenerbahche» maydonida minimal hisobda g‘alaba qozonib, ochkolarini 18 taga yetkazdi va 2-o‘rindagi o‘rnini mustahkamladi. Uchrashuvda yagona gol 25-daqiqada Sancho tomonidan kiritildi.
- Fenerbahche — Aston Villa 0:1
Gol: Sancho (25).
Shveysariyada esa «Lion» «Yang Boyz»ni mag‘lub etib, 18 ochko bilan 1-o‘rinni saqlab qoldi va 1/8 finalga to‘g‘ridan to‘g‘ri yo‘llanmani kafolatladi. Meytlend-Naylz 45+1-daqiqada hal qiluvchi zarbani yo‘lladi.
- Yang Boyz — Lion 0:1
Gol: Meytlend-Naylz (45+1).
"Frayburg" va "Midtyulland" nimchorakfinalni deyarli “qulfladi”
Turning muhim natijalaridan yana biri Germaniyada qayd etildi: «Frayburg» «Makkabi Tel-Aviv» ustidan g‘alaba qozonib, 17 ochko bilan 3-o‘rinda qoldi. Matanovich 82-daqiqada o‘yin taqdirini hal qildi.
- Frayburg — Makkabi Tel-Aviv 1:0
Gol: Matanovich (82).
Skandinaviyada esa «Brann» — «Midtyulland» bellashuvi haqiqiy dramani taqdim etdi: ikki jamoa 3:3 hisobida murosaga keldi. Bir necha penalti, so‘nggi daqiqalardagi gol va to‘xtamas sur’at — bu o‘yin muxlislar uchun “asal” bo‘ldi. Shu durangdan keyin «Midtyulland» 16 ochko bilan 4-o‘rinda qolib, pley-offga yo‘lni deyarli ochiq qilib qo‘ydi.
- Brann — Midtyulland 3:3
Gollar: Holm (19), Kornvig (68, penalti), Soltved (90+10, penalti) — Erlich (4, 70), Brumado (31).
To‘lqinlantirgan epizodlar "Betis"ning yiqilishi va "Portu"ning qutulishi
Tur davomida kutilmagan natijalar ham bo‘ldi. Masalan, «Betis» PAOK maydonida 0:2 hisobida mag‘lub bo‘ldi. Jivkovich 67-daqiqada hisobni ochgan bo‘lsa, Yakumakis 87-daqiqada penaltidan nuqta qo‘ydi.
- PAOK — Betis 2:0
Gollar: Jivkovich (67), Yakumakis (87, penalti).
Yana bir qiziq uchrashuv — «Viktoriya Plzen» — «Port-u» bahsida kechdi. Mezbonlar erta gol urganiga qaramay, «Port-u» 90-daqiqada Gulning goli bilan mag‘lubiyatdan qochib qoldi. Qolaversa, portugallar 45+5-daqiqada penaltidan foydalana olmadi, mezbonlar esa 45+4-daqiqada Vidra chetlatilganidan keyin oxirgi daqiqalarda bosimga dosh berolmadi.
- Viktoriya Plzen — Port-u 1:1
Gollar: Cherv (6) — Gul (90).
Foydalanilmagan penalti: Samu (45+5, Port-u).
Chetlatish: Vidra (45+4, Viktoriya).
"Feyenoord" yirik g‘alaba bilan o‘zini esga soldi
Turning yirik hisobli natijalaridan biri «Feyenoord» hissasiga to‘g‘ri keldi. Ular «Shturm»ni 3:0 hisobida mag‘lub etdi: Vatanabe (5), Haj Musa (69) va Borjes (90) gol mualliflari bo‘ldi.
- Feyenoord — Shturm 3:0
Gollar: Vatanabe (5), Haj Musa (69), Borjes (90).
Yevropa Ligasi 7-turdagi qolgan o‘yinlar natijalari
Yevropa Ligasi.7-tur. 22 yanvar
- Bolonya — Seltik 2:2
Gollar: Dallinga (58), Rou (72) — Hatate (6), Trasti (40).
Chetlatish: Hatate (34, Seltik).
- Malmyo — Srvena Zvezda 0:1
Gol: Kostov (16).
Yevropa Ligasining 7-turdan keyingi musobaqa jadvali
