Milan Braim Diasni yana jamoasiga qaytarishni istayapti
10
Madridning "Real" klubi hujumchisi Braim Dias yana "Milan" safiga qaytishi mumkin. Bu haqda euro-football.ru xabar beradi.
Futbol del Sr.Destrangis manbasiga ko'ra, "rossoneri" marokashlik futbolchini transfer qilish niyatida. Milan klubi avval ham Diasni yana tarkibga qo'shish imkoniyatini ko'rib chiqqan. "Real" esa o'z pozitsiyasida qat'iy: futbolchini qo'yib yuborishga tayyor, biroq kamida 60 million yevro talab qilmoqda.
Eslatib o'tamiz, Braim Dias 2020–2023 yillarda "Milan"da to'p surgan. U "rossoneri" safida jami 124 o'yinda maydonga tushib, 18 gol urgan va 15 ta golli uzatma bergan. Hujumchining "Real" bilan amaldagi shartnomasi 2027 yil 30 iyungacha mo'ljallangan, Transfermarkt esa uning bozor qiymatini 35 million yevroga baholamoqda.
“Zamin”ni Telegramʻda oʻqing! 
