Fransuz klubi «Lans» bosh murabbiyi Pyer Saj chempionlik uchun kurash haqida fikr bildirdi. Bir o'yin zaxirasi bor jamoa turnir jadvalida ikkinchi o'rinda bormoqda va «PSJ»dan 2 ochko ortda qolmoqda. Bu haqda euro-football.ru xabar beradi.
Sajning ta'kidlashicha, «PSJ» peshqadamlikni o'z qo'liga olgan, shu bois «Lans» tempni pasaytira olmaydi. Murabbiy jamoa raqibni quvib yetish yo'lida ishtiyoq va yuqori sur'atni saqlab qolishi shartligini aytdi.
«Biz taslim bo'lmoqchi emasmiz, chunki favqulodda natijaga erishish imkonimiz bor», — dedi Saj. U 10 ta ketma-ket g'alaba tarixiy ko'rsatkich bo'lishini tan olgan holda, bu hali chempionlik emasligini, «Lans» esa hanuz yakunda ustun kelishni maqsad qilganini qo'shimcha qildi.
24 yanvar kuni «Lans» chempionatning 19-turi doirasida «Marsel»ga qarshi maydonga tushadi. «Lans» hisobida 43 ochko bor, «Marsel» esa 35 ochko bilan uchinchi o'rinda.
“Zamin”ni Telegramʻda oʻqing!
