Angliya Premyer-ligasida «Manchester Yunayted» safarda «Arsenal»ni 3:2 hisobida mag'lub etdi. Uchrashuvdan so'ng jamoa himoyachisi Garri Maguayr o'yin haqida fikr bildirdi. Bu haqda euro-football.ru xabar beradi.
Maguayrning aytishicha, «Manchester Siti» ustidan qozonilgan g'alabadan keyin futbolchilar bunday yirik o'yinlarga alohida ruhiy tayyorgarlik bilan chiqishini yaxshi tushunishgan. Uning ta'kidlashicha, bu safar «Yunayted» avvalgi muvaffaqiyat tasodif emasligini isbotlashi kerak edi.
Himoyachi «Arsenal» mavsum davomida juda yaxshi o'ynayotganini eslatib, yetakchi maydonida o'ynash qanchalik qiyinligini qayd etdi. Maguayr so'nggi daqiqalarda gol o'tkazib yuborilganiga qaramay, baribir g'alabani ilib ketish «Yunayted» uchun juda katta natija bo'lganini aytdi.
Uchrashuvdan keyin «Manchester Yunayted» Angliya chempionati turnir jadvalida to'rtinchi o'rinda bormoqda.
“Zamin”ni Telegramʻda oʻqing!
