«Manchester Yunayted» yarim himoyachisi Brunu Fernandesh APLning joriy mavsumida 10 ta golli uzatma ko‘rsatkichiga chiqdi. Bu haqda euro-football.ru xabar beradi.
Portugaliyalik futbolchi yubiley assistini yakshanba kuni «Arsenal»ga qarshi o‘yinda rasmiylashtirdi. Uchrashuv «qizil iblislar»ning 3:2 hisobidagi g‘alabasi bilan yakunlandi.
Joriy mavsumda Yevropaning besh yetakchi ligasida 10 va undan ko‘p assist qayd etgan futbolchilar ro‘yxatida Fernandesh ikkinchi bo‘lib turibdi. Avvalroq bunday natijaga faqat «Bavariya» vakili Maykl Olise erishgan — fransuz futbolchisining Bundesligadagi assistlari soni hozir 14 ta.
Assistlar reytingida uchinchi o‘rin ham «Bavariya» futbolchisi Luis Diasga tegishli (9 ta). Keyingi pog‘onada esa «Barselona» vingeri Lamin Yamal 8 ta golli uzatma bilan bormoqda.
“Zamin”ni Telegramʻda oʻqing!
