«Malyorka» bosh murabbiyi Yagoba Arrasate «Barselona»ning o‘yinida sezilgan taktik o‘zgarishlar haqida fikr bildirdi. Bu haqda euro-football.ru xabar beradi.
Uchrashuvda «ko‘k-anorranglilar» o‘z maydonida g‘alabaga erishdi. Mezbonlar safida Robert Levandovski, Lamin Yamal hamda Mark Bernal gol muallifi bo‘ldi.
Matbuot anjumanida Arrasate «Barsa» bu gal odatdagidan boshqacha tuzilmada harakat qilganini ta’kidladi: «Bugun “Barsa” boshqacha o‘ynadi. Odatda ularda ikki tayanch yarim himoyachi bo‘ladi, bu safar esa Kasado yagona tayanch bo‘lib qoldi, Fermin va Olmo esa yuqoriroqqa ko‘tarildi. Pedri bilan qanday o‘ynashardi — bilmayman, ammo ehtimol, boshqacharoq bo‘lardi», — dedi u.
23 turdan so‘ng «Barselona» La Liga jadvalida 58 ochko bilan yetakchilik qilmoqda. «Malyorka» esa 24 ochko to‘plab, 15-o‘rinda bormoqda.
“Zamin”ni Telegramʻda oʻqing!
