Bundesliganing 21-turida Leverkuzenning "Bayer" jamoasi safarda Myonxengladbaxning "Borussiya"siga qarshi maydonga tushdi. Uchrashuvda mehmonlar darvozaga aniq zarba bera olmagan bo'lsa-da, birinchi bo'lim yakunida hisobni tenglashtirdi. Bu haqda euro-football.ru xabar beradi.
10-daqiqada Haris Tabakovichning xavfli zarbasidan so'ng darvozabon to'pni ushlab qola olmadi va qaytgan to'pga birinchi bo'lib yetib borgan Yannik Engelhard hisobni ochdi — 1:0. 45-daqiqada esa Alesha Garsiyaning zarbasidan keyin to'p Filipp Zanderga tegib, darvozaga kirib ketdi — avtogol va 1:1.
Ikkinchi bo'lim boshida Patrik Shik jamoasini oldinga olib chiqishi mumkin edi, biroq uning zarbasi to'singa tegdi.
Natijada o'yin 1:1 hisobida yakunlandi. "Bayer" ushbu durangdan so'ng turnir jadvalida 5-o'ringa ko'tarildi, "Borussiya" esa 12-pog'onada qoldi.
“Zamin”ni Telegramʻda oʻqing!
