Belaruslik, avvalroq “Barselona” safida o‘ynagan Aleksandr Gleb Chempionlar ligasida “Benfika” darvozaboni Anatoliy Trubinning “Real” darvozasiga urgan goli (4:2) paytidagi his-tuyg‘ularini esladi. 90+8-daqiqada kiritilgan bu gol portugaliyaliklarga pley-off bosqichiga yo‘l ochib berdi. Bu haqda euro-football.ru xabar beradi.
“Bu — sport mo‘jizasi! Kimdir mo‘jizani Joze Mourinyo yaratadi deydi, lekin menimcha, shunchaki hammasi bir paytga to‘g‘ri kelib qoldi. So‘nggi daqiqalar, jarima zarbasi, ajoyib uzatma va darvozabonning goli”, — dedi Gleb “RB Sport”ga.
Qayd etilishicha, Chempionlar ligasi pley-offining saralash (stikovoy) raundida “Benfika” yana Madridning “Real”iga qarshi maydonga tushadi. Dastlabki uchrashuv 17 fevral kuni Lissabonda, javob o‘yini esa 25 fevral kuni Madridda bo‘lib o‘tadi.
“Zamin”ni Telegramʻda oʻqing!
