Tottenhemning sobiq bosh murabbiyi Maurisio Pochettino jamoa duch kelayotgan navbatdagi muammolar va natijalar borasida o‘z fikrini bildirdi. Bu haqda euro-football.ru xabar beradi.
25 turdan so‘ng “shporlar” Angliya Premyer-ligasi jadvalida 15-o‘rinni egallab turibdi. O‘tgan mavsumda esa londonliklar 17-pog‘onada yakunlagan, biroq shunga qaramay, Yevropa Ligasida g‘olib chiqqandi.
Pochettinoning ta’kidlashicha, Yevropa Ligasi kubogi yoqimli yutuq bo‘lsa-da, bu klub uchun yetarli emas. Unga ko‘ra, Tottenhem doim Chempionlar Ligasida o‘ynashi, muxlislar esa jamoa Premyer-liga va Chempionlar Ligasida chempionlik uchun kurashishini kutadi. Hozirda argentinalik mutaxassis AQSH terma jamoasida faoliyat yuritmoqda.
Eslatib o‘tamiz, Pochettino Tottenhemni 2014 yildan 2019 yilgacha boshqargan.
“Zamin”ni Telegramʻda oʻqing!
