Madridning "Real" klubi va Germaniya terma jamoasining sobiq yarim himoyachisi Toni Kroos Saudiya Arabistonida Krishtianu Ronalduning "boykot"i atrofidagi vaziyatga to'xtaldi. Portugaliyalik yulduz transfer siyosatidan norozi bo'lgani sabab "Al-Nasr"ning so'nggi uchrashuvlarida maydonga tushmagani aytilmoqda. Bu haqda euro-football.ru xabar beradi.
Kroos o'z podkastida Saudiya chempionati Ronalduning kelishidan oldin keng ommaga deyarli tanish bo'lmaganini ta'kidladi. Uning fikricha, hozir ligadagi ayrim munosabatlar mashhurlik olib kelgan futbolchiga nisbatan hurmatsizlik ko'rinishida ko'rinmoqda: agar Krishtianu bu chempionatni tark etsa, musobaqaga qiziqish keskin pasayishi mumkin.
Eslatib o'tamiz, Ronaldu "Al-Nasr"ga 2023 yil qishida qo'shilgan. Hujumchining Saudiya klubi bilan amaldagi shartnomasi 2027 yil iyun oyi oxirigacha mo'ljallangan, uning transfer qiymati 12 million yevroga baholanmoqda.
“Zamin”ni Telegramʻda oʻqing!
