Rossiya terma jamoasi va Moskvaning «Spartak» klubida to'p surgan Denis Glushakov fransuzlarning «PSJ» jamoasida o'ynayotgan darvozabon Matvey Safonovning so'nggi chiqishlari haqida fikr bildirdi. Bu haqda euro-football.ru xabar beradi.
Glushakovning aytishicha, Safonovning doim e'tibor markazida bo'layotgani quvonarli: u maydonda o'z ishini to'liq bajarmoqda. Sobiq futbolchi darvozabonga muvaffaqiyatli seriyasini davom ettirishini tiladi, deb yozadi Metaratings.ru.
Kecha Liga 1 doirasida «PSJ» — «Marsel» uchrashuvida rossiyalik golkiper asosiy tarkibda maydonga tushdi. Safonov darvozasini daxlsiz saqlab qoldi, parijliklar esa 5:0 hisobida yirik g'alabani qo'lga kiritdi.
Transfermarkt portali Safonovning qiymatini 15 million yevroga baholamoqda. Uning «PSJ» bilan amaldagi shartnomasi 2029 yil iyun oyi oxirigacha mo'ljallangan.
“Zamin”ni Telegramʻda oʻqing!
