"Antalyaspor" himoyachisi Georgiy Jikiya Turkiya klubidagi vaziyati yuzasidan berilgan savollarga javob qaytardi. 32 yoshli futbolchining fikrlari aks etgan video "FNL s Ilyovym" telegram-kanalida e'lon qilindi. Bu haqda euro-football.ru xabar beradi.
Jikiyadan "Antalyaspor"dagi ishlar qanday ketayotgani so'ralganda, u hammasi joyida ekanini aytdi. Shuningdek, futbolchi Turkiyadagi sharoit va muhitdan to'liq mamnunligini tabassum bilan tasdiqladi.
Georgiy Jikiya "Antalyaspor" safiga o'tgan yozda kelib qo'shilgan. Shu vaqt ichida u 13 uchrashuvda maydonga tushib, ikki bor raqib darvozasini ishg'ol qilgan.
Hozirda "Antalyaspor" Turkiya Superligasi turnir jadvalida 14-o'rinda bormoqda. Jamoaning navbatdagi o'yini 13 fevral kuni o'z maydonida "Samsunspor"ga qarshi o'tkaziladi.
“Zamin”ni Telegramʻda oʻqing!
