"Manchester Yunayted" hujumchisi Benyamin Sheshko "Vest Hem"ga qarshi o‘yindan so‘ng (1:1) uchrashuv taassurotlari bilan o‘rtoqlashdi. Bu haqda euro-football.ru xabar beradi.
London safarida "qizil iblislar"ni mag‘lubiyatdan aynan sloveniya futbolchisi qutqarib qoldi: u 96-daqiqada gol urib, hisobni tenglashtirdi.
"Jamoamiz juda yaxshi, hamjihat ishlaymiz va doim oxirigacha kurashamiz. Bugun hech bo‘lmasa durang olish muhim edi, chunki raqib qarshi hujumlarda juda xavfli bo‘ldi. Yakunda hisobni tenglashtira oldik.
O‘zimizni hanuz yaxshi his qilyapmiz. Qiyin pallalarda jamoa birligini saqlab qoladi — bu juda muhim. So‘nggi o‘yinlarda qilgan ishimizni davom ettirishimiz kerak. Diqqatni yo‘qotmaslik va paydo bo‘ladigan vaziyatlardan unumli foydalanish zarur", — dedi Sheshko TNT Sportsga bergan intervyusida.
Eslatib o‘tamiz, "Manchester Yunayted" Maykl Karrik qo‘l ostida avvalgi to‘rtta uchrashuvning barchasida g‘alaba qozongan edi.
“Zamin”ni Telegramʻda oʻqing!
