Nufuzli insayder Fabritsio Romano Xosep Gvardiolaning «Manchester Siti»dagi kelajagi borasida o'z fikrlarini bildirdi. Bu haqda euro-football.ru xabar beradi.
Jurnalist o'zining YouTube kanalida aytishicha, yulduz murabbiyning 2025/2026 yilgi mavsum yakunida jamoani tark etish ehtimoli bor. Romanoga ko'ra, Gvardiola yakuniy qarorni «shaharliklar»ning joriy mavsumdagi natijalaridan kelib chiqib qabul qiladi.
55 yoshli ispaniyalik mutaxassis «Manchester Siti»ni 2016 yil yozidan buyon boshqarib kelmoqda. Tomonlar o'rtasidagi amaldagi shartnoma 2027 yil iyun oyi oxirigacha mo'ljallangan.
APLning joriy mavsumida «shaharliklar» ikkinchi o'rinda bormoqda va peshqadam «Arsenal»dan olti ochko ortda qolgan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
