Seshanba kuni «Tottenhem» o'z maydonida «Nyukasl»ga 1:2 hisobida yutqazdi. Oradan bir kun o'tib londonliklar bosh murabbiy Tomas Frank bilan hamkorlik yakunlangani haqida rasman ma'lum qildi. Vaziyat qanday qarorga kelgani bo'yicha jurnalist Ben Jeykobs tafsilotlarni ochiqladi. Bu haqda euro-football.ru xabar beradi.
Jeykobsning yozishicha, klub rahbariyati Frankka vaqt berishga urinib ko'rgan, biroq oxir-oqibat «holat chidab bo'lmas darajaga yetgan». Qaror klubning yuqori rahbarlari — Vinay Venkatesham va Yoxan Lange tomonidan qabul qilingan.
Shuningdek, direktorlar kengashiga kirmasa-da, klub egasi Lyuislar oilasi nomidan ish yuritadigan Nik Bexen ham jarayonda ishtirok etgani qayd etildi.
Ayni paytda «Tottenhem» Angliya Premyer-ligasi jadvalida 16-o'rinda bormoqda. OAVda Maurisio Pochettino klubga qaytishi mumkinligi haqidagi gap-so'zlar ham paydo bo'ldi.
“Zamin”ni Telegramʻda oʻqing!
