“Zenit”ning sobiq hujumchisi Aleksandr Kerjakov Italiya A Seriyasida “Inter” va “Yuventus” o‘rtasidagi yaqinlashib kelayotgan uchrashuv haqida fikr bildirdi. Bu haqda euro-football.ru xabar beradi.
Kerjakovning aytishicha, “Inter” uy maydonida raqibini ancha ustunlik bilan yengishi mumkin. U taxminiy hisob sifatida 2:0 yoki 3:1 variantlarini tilga oldi va “Inter” raqibini “parchalab tashlaydi” deya ta’kidladi. Shuningdek, u uchrashuvda Hakan Chalhanog‘lu gol urish yoki golli uzatma bilan ajralib chiqishiga ishonch bildirdi.
A Seriyaning 25-turidagi “Inter” — “Yuventus” bahsi shanba kuni, 14-fevralda bo‘lib o‘tadi. Bosh hakamning start hushtagi 00:45 da (Toshkent vaqti bilan) yangraydi.
Eslatib o‘tamiz, jamoalar birinchi davrada Turinda o‘ynagan o‘yinda “Inter” 3:4 hisobida mag‘lub bo‘lgan edi.
“Zamin”ni Telegramʻda oʻqing!
