Krishtianu Ronaldu tanaffusdan so'ng maydonga qaytdi va Saudiya Arabistoni chempionatida «Al-Nasr»ning «Al-Fateh» ustidan 2:0 hisobidagi g'alabasiga katta hissa qo'shdi. Bu haqda euro-football.ru xabar beradi.
41 yoshli hujumchi uchrashuvning 18-daqiqasidayoq hisobni ochdi. O'yin taqdiri hal bo'lgan paytda portugaliyalik yulduz so'nggi daqiqalarda zaxiraga olindi, final hushtagidan keyin esa bahsning eng yaxshi futbolchisi sovriniga sazovor bo'ldi.
Eslatib o'tamiz, Ronaldu bundan avvalgi ikki uchrashuvda maydonga tushmagandi. Xabarlarga ko'ra, u klub rahbariyati ishidan norozi bo'lib, norozilik sifatida o'yinlarni o'tkazib yuborgan.
«Al-Nasr»ning hujumdagi yetakchisi to'purarlar poygasida Xulian Kinones bilan birga ikkinchi o'rinni bo'lishib turibdi — ikkalasi ham 18 tadan gol urgan. Birinchi pog'onada esa 20 ta gol bilan Ayven Toni bormoqda.
“Zamin”ni Telegramʻda oʻqing!
